África é...

Unha das actividades que se propuxeron para celebrar o Día da Biblioteca foi elaborar un mural co título 'África é...'. Os participantes na actividade deberon escribrir o que para eles e elas significaba o continente africano sobre un mapa, e despois colocalo no corredor da Biblioteca.
Houbo unha participación importante, aínda que as definicións non foron moi elaboradas, agás no caso de Sara Neira, alumna de 3º da ESO que nos agasallou cunha definición completa, optimista, colorista, afastada dos prexuízos. Grazas, e parabéns polos teus coñecemento e a capacidade para expresalos:

África é a orixe da humanidade. Un lugar de culturas antigas, Exipto, os reinados beduinos...
Un lugar cheo de xente sorprendente e de culturas e linguas tan diferentes que resulta imposible describilo nun folio.
Unha fauna e ecosistemas tan diversos dende o deserto do Sahara ata a tropical Cidade do Cabo.
Un continente cheo de selvas e sabanas repletas de animais sorprendentes, desde o poderoso león, ata o fermoso agaparni.
Unha terra chea de tesouros paisaxísticos, desde o río Nilo ata as montañas keniatas.

Para soñar
Para disfrutar
Para rir
Para descubrir
Para imaxinar
Para aprender
Para...
ADMIRAR